National/Regional WinnersPress Releases

By: Michelle Caligan

Opisyal nang magiging kinatawan ng Pilipinas si Miguel Tanfelix sa Asian Academy Creative Awards 2018 kasunod ng pagkakapili sa kaniya bilang national winner sa Best Actor in a Leading Role category para sa Kambal, Karibal.

Makakalaban ng Kapuso actor ang ibang national winners mula sa Singapore, India, Malaysia, China, Hong Kong, Taiwan, Indonesia, at Japan.

Eksklusibong nakapanayam ng GMANetwork.com si Miguel ilang oras pagkatapos niyang malaman ang kaniyang pagkapanalo.

Aniya, “Nakakagulat, hindi ko talaga in-expect na makakasama ako doon. Kasi, nag-announce na ng mga winners, e, pero wala pa ‘yung Best Actor.

So, nung in-announce na ‘yung mga nanalo ng Best Actor sa bawat country, nagulat ako na nandun ang Miguel Tanfelix.

Ito rin daw ang kanyang unang international acting recognition.

“Best Actor na sa Philippines, tapos per country maglalaban-laban. And I hope na ma-represent ko nang maayos ang Philippines at manalo tayo.”

Dagdag pa niya, “Sobrang tuwang-tuwa kami, pero kino-contain ko muna kasi matagal pa naman.

“Ayoko pang masyadong ma-excite. Saka na ako magiging excited kapag malapit na.”

Ayon sa kanilang Facebook page, the Asian Academy Creative Awards “honors excellence in craft and technical disciplines across multiple platforms including television, digital, streaming and emerging technologies.”

Gaganapin ang awarding ceremony sa December 6-7, 2018 sa Capitol Theatre sa Singapore.

Source: https://www.gmanetwork.com/entertainment/showbiznews/news/44901/exclusive-miguel-tanfelix-nanalong-best-actor-national-winner-sa-asian-academy-creative-awards-2018/story

JOIN OUR MAILING LIST FOR MORE NEWS & UPDATES